A FALA, LETRAS GALEGAS

Hoxe cantamos "A Fala", un poema de Manuel María.

❤

"A FALA” UXÍA coa colaboración de TANXUGUEIRAS e FAIA POEMA: Manuel María (As rúas do vento ceibe, 1979) MÚSICA: Uxía e Sérgio Tannus. Audio baseado no concerto gravado ao vivo na Casa-Museo de Manuel María o 6 de outubro de 2015, recollido no disco Uxía canta a Manuel María (Fundación Manuel María, 2016), ao que se engadiron en maio de 2020 os coros, arpa e baixo eléctrico.

A LETRA

O IDIOMA É A CHAVE COA QUE ABRIMOS O MUNDO: O SALOUCO MÁIS FEBLE, O PENSAR MÁIS PROFUNDO. O IDIOMA É A VIDA, O COITELO DA DOR, O MURMURIO DO VENTO, A PALABRA DE AMOR. AIALA LALA… O IDIOMA É O TEMPO, É A VOZ DOS AVÓS E ESE BREVE RONSEL QUE DEIXAREMOS NÓS. O IDIOMA É UN HERDO, PATRIMONIO DO POBO, MAXICAMENTE VELLO, ETERNAMENTE NOVO. AIALA LALA…(BIS) O IDIOMA É A FORZA QUE NOS XUNGUE E SOSTÉN. ¡SE PERDEMOS A FALA NON SEREMOS NINGUÉN! RENUNCIAR AO IDIOMA É SER MUDO E MORRER. ¡PRECISAMOS A LINGUA SE QUEREMOS VENCER! AIALA LALA…(BIS)